كشفت التحقيقات تفاصيل اتهام البلوجر علياء قمرون، بنشر مقاطع فيديو تضمنت ألفاظًا وإيحاءات جنسية خادشة للحياء العام، وتتعارض مع القيم المجتمعية لزيادة نسب المشاهدات علي مواقع التواصل الاجتماعي.
اعترافات علياء قمرون تكشف أرباحها من التيك توك
وينفرد القاهرة 24 بنشر اعترافات علياء قمرون في اتهامها بنشر فيديوهات خادشة للحياء:
س: هل يدر عليك مشروعك في البث المباشر التيك توك ثمة أموال أو أرباح؟
ج: أيوه من خلال الهدايا اللي بتجيلي على اللايفات.
س: وما هو إجمالي تلك الأرباح تحديدًا؟
ج: أنا قبل كده كنت بعمل حوالي 20 ألف جنيه في الشهر ودلوقتي بيصفيلي حوالي عشرة أو حداشر ألف جنيه لأن الدعم قل قوي من ساعة ما حصلت الحملة علينا السنة اللي فاتت وناس كتير اتحبست.
س: وما هي أوجه صرف تلك المبالغ تحديدًا؟
ج: أنا بصرف الفلوس دي على نفسي هدوم وأكل وشرب.
س: وهل لديكِ ثمة ممتلكات من أرباح تلك المقاطع المباشرة؟
ج: لا خالص أنا كل فلوسي بصرفها على أكلي وشربي أنا أكتر حاجة كانت بتجيلي 20 ألف ودلوقتي مش بيكمل عشر تلاف جنيه فا مش بعرف أجيب بيهم أي حاجة أصلًا.
س: وهل لديكِ ثمة مصادر دخل أخرى؟
ج: أنا ماليش مصدر دخل غير التيك توك والإعلانات وساعات بعرض لبس توك أطفال عادي على الصفحة والناس بتجيب مني أون لاين.
س: ما كيفية تحصلك على تلك المبالغ تحديدًا؟
ج: أنا بحوّل الفلوس على كارت فوري بتاعي اللي مربوط بالحساب وبعدها أروح أي فرع من فروع فوري أو أمان وبسحب منهم الفلوس وساعات بعمل إعلانات وبتجيلي الفلوس من العميل على فودافون كاش وباخدها كاش من العميل وأنا بعمل الإعلان بحوالي ألف جنيه أو 1500 جنيه على حسب الإعلان.
س: وما هي كيفية قيامك بالإعلانات الخاصة بالمتعاقدين معك لإنتاجها؟
ج: أنا بعمل الإعلانات دي عبارة عن فيديوهات بصوّرها في المحلات وبنزلها على الصفحة عندي.
س: قد ذكرتِ سلفًا بالتحقيقات بجلسة اليوم من سابقة اتهامك في قضية فما هو فحواها؟
ج: كانت قضية شبيهة بتاعة النهاردة والتحقيق معايا في نيابة التجمع الخامس وأنا اتحبست شهرين وخدت إخلاء سبيل والقضية لسه شغالة.
س: وما هو رقم تلك القضية وما الذي آلت إليه تحديدًا؟
ج: أنا معرفش رقمها بس القضية لسه شغالة.
