زعمت سيدة خلال فيديو نشرته على حسابها الشخصي بفيسبوك، أن ابنها الوحيد اتهم بقضية تزوير معنوي خلال تقديمه للخدمة العسكرية، لعدم علمه بزواج والده وأن لديه شقيق من أم أخرى.
كان واخد تأجيل.. سيدة تزعم: ابني خلال تقديم أوراقه بالجيش اكتشف أن له شقيقًا من أم أخرى
وزعمت والدة إسلام: أنا بتكلم بخصوص ابني إسلام خالد، ابني وحيد على 3 بنات، من 5 سنين راح قدم للجيش إنه يجيب إعفاء عشان هو ولد وحيد.
تابعت: خد تأجيل 5 سنين، بعد الخمس سنين راح عشان يقدم الورق عشان يجيب المعافاة النهائية، قالوا له هات قيد عائلي جاب قيد عائلي، طلع في القيد العائلي الثاني إن هو له شقيق من أم تانية، قال لهم أنا ما أعرفش إن ليا شقيق من أم تانية، أنا معنديش غير 3 بنات، قالوا له لا أنت مزور في القيد العائلي الأول.
وأردفت: فقالوا له سيب ورقك وبعد شهرين هنتصل بيك، اتصلوا به بعد شهرين، وقالوا له تعالى، تاني يوم لقيت ابني بيكلمني، قال لي عاملين لي تزوير معنوي، واتحكم عليه بسنتين، وبنحاول نطالب إنه يخرج بإفراج شرطي.
وأشارت: أنا ابني متعلم معاه بكالوريوس تجارة، ولو كان دخل الجيش كان هيقعد سنة واحدة في الجيش عشان هو متعلم، وأنا مش عارفة أعمل إيه، هو قالهم إنه مكنش يعرف إن ليه شقيق من أم تانية.
