بقلم :د / مى محمد زكي
الفكرة مش بتطلع فجأة من فراغ…
هي نتيجة رحلة سريعة جدًا جوّه المخ بتحصل في ثواني، أحيانًا من غير ما نحس.
أولًا: من أين تبدأ الفكرة؟
أي موقف بنمرّ به بيعدّي على 3 مراحل أساسية:
1️⃣ المثير (Stimulus)
حاجة حصلت:
كلمة اتقالت
نظرة
موقف
ذكرى جات فجأة
2️⃣ التفسير (Interpretation)
المخ يحاول يفهم:
> “يعني إيه اللي حصل ده؟”
وهنا بيشتغل:
تجاربنا السابقة
تربيتنا
معتقداتنا
جروحنا القديمة
فـ نفس الموقف
شخص يشوفه عادي، والتاني يشوفه تهديد أو إهانة.
3️⃣ الفكرة التلقائية (Automatic Thought)
جملة قصيرة جدًا تظهر في دماغنا، زي:
أنا مش مهم
أكيد بيقلل مني
هفشل
أنا غلطان دايمًا
وغالبًا الفكرة دي ما بنشكّكش فيها… بنصدّقها فورًا.
ثانيًا: ليه الفكرة تتحكّم في المشاعر؟
المخ العاطفي (الـ Limbic system)
ما بيتفاعلش مع الواقع نفسه
بيتفاعل مع تفسيرنا للواقع.
يعني:
فكرة تهديد ⟵ خوف
فكرة خسارة ⟵ حزن
فكرة إهانة ⟵ غضب
فكرة ذنب ⟵ شعور بالعار
الفكرة = زر التشغيل للمشاعر.
ثالثًا: إزاي المشاعر تقود السلوك؟
المشاعر بطبيعتها عايزة تتحرّك:
الخوف ⟵ هروب أو تجنّب
الغضب ⟵ صراخ أو هجوم
الحزن ⟵ انسحاب
العار ⟵ اختفاء أو صمت
فـ السلوك مش طالع من الفراغ
هو رد فعل مباشر للفكرة ثم الشعور.
بالنهاية
👉 الموقف لا يخلق الشعور
👉 الفكرة عن الموقف هي اللي تخلق الشعور
👉 والشعور يوجّه السلوك
علشان كده:
> تغيير السلوك الحقيقي
يبدأ من ملاحظة الفكرة
مش من لوم النفس ولا كبت المشاعر.
