بقلم رانده عفيفي صادق
صباح الفل بالمعنى وبالمقصود،
وكل حبيب ماهوش معنا يارب يعود،
نلاقي بعضنا تاني ونعمل فرح وأغاني
في كل مكان،
ولو مره سافر تاني مسيره يعود.
صباح الفل بالمعنى وبالمقصود،
صباح الفل عالصحبة اللي بالنية،
عيونها الحلوة مليانه بحب زمان وحنية،
بتملا الكون وتحوينا تخرج أحلى ما فينا
تجمع أغلى حبيايبنا تخلينا عسل معقود،
صباح الفل بالمعنى وبالمقصود.
يارب الكون يا مولانا يا أعظم عظمة في سمانا كريم بتجمع الأحباب و لو غايب ودق الباب يدق القلب من الفرحة سواء لو أهل أو صحبه معاهم نعمل الواجب ونفرش رمشنا سجاد
ونعمل قلبنا أوضة وفيها الفرش عالموضة،
ياريت تعجب ويبقي تمام
يارب أبعد شرور الناس وكل جليس وله وسواس،
منلقاش مين يفرقنا، و في الأزمات يغرقنا شيطان الإنس اكفينا
ولو مرة راجع لينا ياريت مايعود.
صباح الفل بالمعنى وبالمقصود.🌷
