كتبت / إيمان جوده
مش كل سكوت معناه ضعف…
في سكوت بيكون قمة القوة، لما تكون عارف الحقيقة ومش محتاج تثبتها لحد.
وفي سكوت سببه إنك تعبت من الشرح…
لما تكتشف إن اللي قدامك مش بيسمع عشان يفهم، بيسمع عشان يرد.
وفي سكوت سببه إنك كبرت عن الجدال…
فبقيت تسيب كل شخص يشوفك بالصورة اللي هو عايزها،
وأنت عارف نفسك كويس.
وفي سكوت اسمه كرامة…
لما يكون الكلام هينقص منك،
تختار تسكت… مش خوفًا، لكن احترامًا لنفسك.
وفي سكوت اسمه تجاهل…
لما تعرف إن بعض الأشخاص لا يستحقون حتى ردًا،
لأن الرد عليهم بيمنحهم قيمة مش من حقهم.
وفي سكوت اسمه نضج…
لما تبطل تبرر، وتبطل تدافع،
وتفهم إن الأفعال كفيلة إنها تكشف كل شيء.
افتكر دايمًا…
مش كل اللي سكت ضعيف،
ومش كل اللي اتكلم قوي.
أحيانًا السكوت بيكون أبلغ من ألف كلمة،
والانسحاب أرقى من ألف مواجهة.
اسكت لما يكون الكلام هيكسرك…
واتكلم لما يكون سكوتك هيكسرك.
